Prime Minister Modi : భారత ప్రధానమంత్రి నరేంద్ర మోదీకి కరేబియన్ దేశమైన ట్రినిడాడ్ అండ్ టొబాగో అత్యున్నత పౌర పురస్కారం “ది ఆర్డర్ ఆఫ్ ది రిపబ్లిక్ ఆఫ్ ట్రినిడాడ్ అండ్ టొబాగో” ప్రదానం చేయబడింది. ఈ అవార్డును ట్రినిడాడ్ టొబాగో రాష్ట్రపతి క్రిస్టీన్ కార్లా కంగాలూ మరియు ప్రధానమంత్రి కమ్లా పెర్సాద్-బిస్సెస్సార్ సంయుక్తంగా పోర్ట్ ఆఫ్ స్పెయిన్లో జరిగిన ఒక ఘనమైన కార్యక్రమంలో ప్రధాని మోదీకి అందజేశారు. ఈ పురస్కారం పొందిన తొలి విదేశీ నాయకుడిగా మోదీ చరిత్ర సృష్టించారు, ఇది ఆయనకు అంతర్జాతీయ స్థాయిలో లభించిన 25వ అత్యున్నత గౌరవంగా నిలిచింది.
ట్రినిడాడ్ అండ్ టొబాగో ప్రధానమంత్రి కమ్లా పెర్సాద్-బిస్సెస్సార్ మాట్లాడుతూ, ప్రధాని మోదీ యొక్క దార్శనిక నాయకత్వం, ప్రపంచ స్థాయిలో భారతదేశ ప్రభావాన్ని పెంచిన తీరు, ముఖ్యంగా కొవిడ్-19 మహమ్మారి సమయంలో చిన్న దేశాలకు వ్యాక్సిన్ మైత్రి కార్యక్రమం ద్వారా అందించిన సహకారం, మరియు ప్రవాస భారతీయులతో ఆయనకున్న బలమైన అనుబంధాన్ని ఈ అవార్డు గుర్తింపుగా పేర్కొన్నారు. “మోదీ ఒక పరివర ్తన శక్తి, భారత ఆర్థిక వ్యవస్థను ఆధునీకరించి, ప్రపంచ పటంలో భారతదేశాన్ని శక్తివంతమైన స్థానంలో నిలిపారు,” అని కమ్లా ప్రశంసించారు.
